ئەورووپییەکان هەڵەکانی خۆیان دووپات نەکەنەوە

بە ڕاپۆرتی ئاژانسی هەواڵی مێهر، سەرلەشکر حسێن سەلامی فەرماندەی گشتی سپای پاسداران لە یەکەم کاتژمێرەکانی بەرەبەیانی ئەمڕۆ شەممە دوای دیدار لەگەڵ سەرۆکی مەجلیسی شۆرای ئیسلامی وتی: ئەگەر گیانفیداییەکانی سپای پاسداران بە تایبەتی هێزی قودس و فەرماندەیی شەهید سولەیمانی نەبوایە، بەدڵنیاییەوە گڕکانی تیرۆریستی کە لەلایەن ئەمریکییەکانەوە دروست بووە، داوێنی ئەورووپییەکانیشی دەگرتەوە و ئاسایشی ئێستای ئەورووپای، لەناو دەبرد.

ناوبراو وتی: ئەگەر شەڕی تەکفیری لە وڵاتانی ئیسلامی ڕاگیر نەکرابا هەموو ئەورووپای دەگرتەوە بەڵام خووی ئەورووپی و ئەمریکییەکان ئەوەیە کە هەمیشە جێگای جەلاد و شەهید و ستەمکار و ستەملێکراو دەگۆڕن.

سەلامی ڕایگەیاند: ئەورووپا دەرس لە هەڵەکانی ڕابردووی بۆ نموونە شەڕە جیهانییەکان وەرناگرێت و پێی وایە ئاوەها بەیاننامەگەلێک دەتوانێت ئەو سزایە کە پڕە لە ئیمان، هێز و ورە بڕووخێنێت.

فەرماندەی گشتی سپا جەختی کرد: ئێمە هەرگیز نیگەرانی ئاوەها هەڕەشەگەلێک نین چونکوو دوژمن هەرچەندە هەلی کردەوەمان پێبدات ئێمە بەهێزتر دەبینەوە.

ناوبراو وتی: ئەگەر ئەورووپییەکان تووشی هەڵە ببن ئەبێ پاشهاتەکانیشی قبووڵ بکەن